مع هانى لبيب: الناس اللى آخرهم كومنت شتيمة..كلامى من دماغى وكلامك من دماغهم

قال الكاتب هانى لبيب، رئيس تحرير "مبتدا"، إنه بعد عرض الحلقة السابقة، والتى كانت بعنوان "فقاقيع 20 سبتمبر.. الدولة مش بتدار بالهاشتاجات"، حصل نوع من الهجوم المنظم المعتاد، مشيرًا إلى أنه لم يكن هناك مناقشة موضوعية بقدر ما كان هناك توجيه تشكيك وتخوين فى المعلومات التى عرضت.

وأوضح لبيب، فى حلقة جديدة من برنامجه "من أول السطر"، الذى يقدمه عبر "مبتدا": "ببساطة بيدعوا العقلانية وإن هما عايزين حوار، لكن لما بننشر حاجة مش عاجبة فئة معينة يتبعوا أسلوب الغوغائية والفوضوية والعشوائية فى الحديث والكلام وبالتالى بيبعدونا عن الموضوع الأصلى وياخدونا فى حتة تانية".

وتابع: "فيه كلام كتير اتقال تجاوز، لكن بعض الكومنتات كانت فيها ملاحظات مهمة، على 4 مواضيع من ضمنهم سد النهضة والتعليم والكبارى والإنشاءات، هى دى اللى تستحق إن إحنا نرد عليها".

وأضاف رئيس تحرير مبتدا: "ناس كتير تقولك إزاى إحنا اكتشفنا غاز كتير ورغم كده الغاز بيغلى، المنطقى والعلمى مش معنى إن إحنا عندنا غاز إن أنا أنزل بسعر تحت السعر العالمى، فيه فرق إن عندى اكتشافات، هى اللى بتزود موارد الدولة اللى بيها تعمل مستشفيات ومدارس، لكن منقدرش ننزل عن السعر العالمى زى البورصة بتاعة الذهب".

وواصل حديثه قائلا: "بالنسبة لموضوع سد النهضة، كان سهل أوى إننا كنا نتبع الحل العسكرى أو أسلوب الحرب، ومتنسوش قبل كده اللى قاله أيمن نور (هنطلع طيارات تضرب السد)".

وتساءل: "لكن هو ده الحل؟ هو إحنا لو ضربنا السد مش فيه هناك شعب عايش زينا، ونفسهم تبقى بلدهم أمان ومستقرة، وعندهم طموحات".

وأضاف لبيب: "إحنا لأول مرة مصر بتاخد الخط الدبلوماسى الدولى بنوع من الحكمة اللى خليتنا نحقق نجاح على المستوى الدولى، وبقى فيه تعاطف دولى إن مياه النيل من حقنا، ومن حقنا حصة فيها بدون ما حد يحجر عليها".

وعن التعليم، أشار إلى أنه "لو مكانش حصل تطور فى التعليم، مكناش قدرنا فى أزمة كورونا الأخيرة وأغلبية ولادنا قاعدين فى البيت، إن هما يعدوا من حاجات كتير بطريقة الأونلاين، وابتدى يبقى عندنا بنية أساسية خاصة بالتعليم".