الشاعر بهاء الدين محمد
بهاء الدين محمد
وكتب بهاء الدين محمد على صفحته الرسمية على فيسبوك، قائلا نصًا: "مهما توقعت أو حسيت أو تخيلت مش حاعرف أوصف إحساسى بكلام يرد بكل احترام على رد فعلكم وفعل زمايلى الفنانين اللى رافضين قرار اعتزالى والتركيز فقط على تأملات فى نِعم الله".
وأضافت: "رد الفعل اللى رافض القرار خلانى أسكت وأفهم وأعرف وأشوف بصورة واضحة مدى الحب والتقدير اللى وصلنى من كل مكان وعرفت من خلاله إن ليا مكان ف قلوب من حقهم الرفض، ورد الفعل اللى رافض الاعتزال خلانى أتجاوز اللحظة اللى خليتنى أفكر فى القرار" .
ولفت بهاء الدين محمد إلى أن قرار اعتزاله كانت "لحظة سخيفة اتجمعت فيها أحداث كتيرة مش حلوة ونفوس وقلوب كلها حقد وسواد وغباء فى الحياة الفنية والشخصية، وكم كبير من ضعف وطمع ناس مش ناس".
وتابع الشاعر المعروف: "وأنا مهما قابلت أى هجوم قذر بس حست إنى محتاج هدوء، وحسيت فى لحظة إنى محتاج أعيش لنفسى ومع نفسى بعيد عن أى ظروف تجبرنى على الاحتكاك أو معاملة المرفوضة دين وحياة وأخلاق.. وأنا مش سهل أوصف ناس بالشكل ده".
بهاء الدين محمد
واستطرد، خلال منشوره، على صفحته الرسمية على فيسبوك، قائلا: "قررت شطب واستئصال كل حد لا يليق ومرفوض، واحتفظت فقط بالناس اللى قلوبهم ونيتهم سليمة فى الفن والحياة، وشكرا على هذا الحب والاحترام اللى حافضل قده وأرد عليه بكل فن، وباشكر كل قلب كتبلى أو بعتلى أو كلمنى يطمن عليا واعتبرته شاركنى ووقف معايا بكل حب ف التجربة دى".
وكان الشاعر الغنائي الكبير بهاء الدين محمد قد اعتزاله، في خبر مفاجئ لجمهوره ومحبيه يوم الخميس الماضي، وكتب وقتها، عبر حسابه الرسمي على موقع فيسبوك: "أعلن اعتزالي لأسباب خاصة".
بهاء الدين محمد
جدير بالذكر، أن الشاعر بهاء الدين محمد، هو شاعر مصري من مواليد 2 نوفمبر 1961، من مواليد حي مصر القديمة، بالقاهرة، وتخرج في كلية الفنون الجميلة قسم جرافيك.
وتعاون بهاء الدين محمد مع عدد كبير من نجوم الغناء في مصر والوطن العربي، من أبرزهم النجم الهضبة عمرو دياب، والديفا سميرة سعيد وصوت مصر أنغام والنجوم "إيهاب توفيق ومحمد فؤاد والكينج محمد منير وشيرين ونجم الجيل تامر حسني".
