هند صبرى: أنا ومنة شلبى ما كناش بنطيق بعض عشان هى ودنية

كشفت الفنانة هند صبرى، أن خلافات كثيرة كانت بينها وبين زميلتها الفنانة منة شلبى فى بدايات تألقهما على الساحة الفنية وبالتحديد قبل تصوير فيلم "بنات وسط البلد".

وقالت خلال استضافتها فى برنامج "معكم" الذى تقدمه الإعلامية منى الشاذلى على قناة "CBC": "أنا ومنة شلبى كان فيه بيننا مشاكل كتير أوى زمان.. وما كناش بنطيق بعض، والموقعاتية وقعوا بيننا كتير".

وتابعت هند صبرى: "ما كناش خصمين لأن انا مش ودنية، لكن منة ودنية شوية وهى عارفة دة، وكنا ساعتها بنسلم على بعض وكل حاجة بس كان فيه حرص شديد فى التعامل".

وأضافت: "لما المخرج الأستاذ محمد خان كلمنا عشان الفيلم، رحنا البيت عنده وقعدنا مع بعض وكان لازم نتكلم ونقول كل حاجة وصفينا الخلافات، ومن ساعتها أنا ومنة بقالنا 20 سنة أصدقاء".