الإعلامى معتز عاطف
وقال عاطف: "فيه شوية حاجات لو أخدنا بالنا منها هنحافظ على العربية وهنوفر فى المصاريف ومنها إن تنك البنزين الفاضى بيأثر على طرمبة البنزين لأن تبريدها بيكون من جوه التنك، وناس كتير بتستخدم بنزين 80 بدل 92 وده بيخلى حريق الموتور مش منتظم وبيخلى العربية تستهلك بنزين أكتر ويؤثر على الموتور، وينطبق نفس الكلام على بنزين 95 لما بنستخدم 92 وناس كتير مواتيرها بتبوظ وبتشتكى، وكمان زيت الموتور لما بنتأخر عليه أو بيبقى ناقص بيعمل مشاكل للموتور أو الأجزاء الداخلية".
وأضاف: "سير الكاتينة يعد أغلى سير فى العربية لأنه لما بيتقطع بيبوظ وش السلندر والصمامات وللأسف لما بيتقطع الموتور بيقف وبنحاول ندور العربية وده بيبوظها، والعربية لو نقصت مايه هتسخن وأجزاء الموتور الداخلية هتتأثر وممكن يدخلنا فى عمرة موتور وكاوتشات الميه المشققة نفس الحكاية لأنها بتؤدى إلى نقصان المايه، ومروحة الرادياتير والتبريد لو مش شغالة كويس بتؤثر على درجة الحرارة لأنها بتشتغل كتير وعمرها بيقصر، وتنضيف الرادياتير من بره ومن جوه بيفرق كتير وسيور الموتور لو مشققة وواحد منها اتقطع بيعمل مشكلة وسير الباور لو اتقطع هيوقف الباور ولو الزيت نقص طرمبة الباور نفسها علشان كده بنقول لازم كل السوائل فى العربية تكون مظبومة".
وتابع: "المطبات لو أخدناها بسرعة بتبوظ العفشة وبتخلف زوايا، تيل الفرامل لو اتأخرنا عليه بياكل الطنابير وتيجى بعد كده تغير الفرامل تلاقيها بتتاكل أسرع لأن الطنابير متاكلة وبتحتاج تتغير كمان، وفلتر الهوا لو اتسد واتأخرنا عليه بيعمل مشاكل واستهلاك البنزين بيعلى والبوجيهات بتخلى العربية تنتش والعربية بتهبب أسود وبتخلى الزيت يتوسخ وبتحتاج تغيره بسرعة".
اقرأ ايضاً
آخر الأخبار
تعليقات القراء