برنامج ناسها البسيطة
وقال "طارق": "الأمانة حاجة ثقيلة جدًا، ولو حد أمنك أمانة حاجة فى منتهى الصعوبة سواء تحفظها أو توصلها أو سؤال ويحتاج رد أمين لازم تؤدى كل حاجة بأمانة، وأنا شغال سواق مع ناس فى شهر زى رمضان الناس دى بتعمل خير ويدونى فلوس أمانة أوزعها على من يستحق والموضوع صعب إنى أوصل الفلوس للمحتاجين فعلًا".
وروى خلال لقائه مع أحمد رأفت، مقدم برنامج "ناسها البسيطة" المُذاع عبر فضائية "cbc"، موقفًا متعلقًا بحفظ الأمانة حدث معه شخصيًا قائلا: "أنا كنت شغال سواق فى شركة سياحة، وناس كتير كانت بتسيب حاجات فى العربية، وكنت بديها لمدير الشركة وهو اللى يقدر يتواصل مع الناس ويرجعها، ولم أنتظر مكافأة على الأمانة ودى أمانة اللى يكافئنى عليها ربنا، وهى حاجة صاحبها ولازم ترجع له ومينفعش أخذ مقابل".
وطالب أحمد رأفت، مقدم البرنامج، من ضيفه "طارق" الدخول فى بعض تحديات الألعاب، وفى النهاية أهداه عدد من الفوانيس ليفتح واحدًا منهم فيجد فيه مبلغًا ماليًا، وعبر عن سعادته بهذه الهدية فى شهر رمضان المبارك.
ويُركز البرنامج على قصص الناس فى الشارع المصرى، الإنسانية والصعوبات التى تواجههم، ويمنحهم هدايا مالية لمساعدتهم فى فى الحياة.
برنامج "ناسها البسيطة" يقدمه مذيع الشارع أحمد رأفت، يوميًا على قناة cbc الساعة 3:45 عصرًا، والإعادة الساعة 3:45 فجرًا.
