إقبال على كورنيش بنها بعد تطويره.. والأهالى: منظره يشجع على التمشية (فيديو)

طوّرت محافظة القليوبية كورنيش مدينة بنها باستثمارات مالية وصلت إلى 20 مليون جنيه، وبدأت أعمال التطوير من كوبرى كفر الجزار حتى آخر منطقة الفيلات، إذ جرى تزويد الممشى بمقاعد وممرات لذوى القدرات الخاصة وتطوير السور وتدعيمه بالرخام.

وقال أحد سكان مدينة بنها وفق تقرير تلفزيونى عن ممشى النيل بكورنيش مدينة بنها بالقليوبية، قدمته سالى طراد، مراسلة برنامج "8 الصبح"، المذاع على شاشة "dmc": "التطوير جميل وشكل الكورنيش بقى حلو، وبقى فى زرع والشكل العام بقى أفضل، الدنيا كانت مش لطيفة فى الأول بس كل حاجة اتظبطت"، فيما قالت فتاة من سكان مدينة بنها: "المكان بقى شكله أحلى، والكورنيش بقى شكله أحسن وشجع الناس إنها تخرج تتمشى عليه".

وقال شاب آخر من سكان مدينة بنها: "الكورنيش شكله بقى أحسن وبقى فيه اهتمام، وسكان بنها بقى فيه إقبال منهم على الكورنيش بعد تطويره، لأنه قبل كدا مكانش فى اهتمام كبير بالخروج على الكورنيش"، وقالت فتاة أخرى من سكان مدينة بنها: "الأول مكناش بنخرج ولا بنعرف نمشى فى الكورنيش لأنه الطرق مكانتش ممهدة زى دلوقتى، لكن دلوقتى كل حاجة بقت حلوة وبنقدر نمشى فيه".

وقالت إحدى مواطنى مدينة بنها: "هو مكانش كويس فى الأول ولكن دلوقتى بدأوا يحسنو فيه كتير جدا وبيبقى شكله أحسن بالليل وبيبقى زحمة من الإقبال عليه بعد التوسعات اللى حصلت فيه".