مصطفى شوبير
جاء ذلك، خلال حواره مع الإعلامى سيف زاهر فى برنامج "ملعب أون تايم"، المذاع على قناة أون تايم سبورتس الفضائية.
وأضاف: "كنا فى معسكر فى الإمارات ورأينا اللقطة بتاعة إصابة محمد الشناوى، وما كناش عارفين إيه مدى الإصابة، وتانى يوم عرفنا إن الموضوع كبير، وسيحتاج لعملية وغياب لفترة كبيرة، وكنت جاهزا للمشاركة بعد إصابة الشناوى على الرغم من الضغوط الكبيرة".
وتابع شوبير: "كولر تحدث معايا وقال لى أنا عاوز أجيب حارس مرمى يكون معاك فى بطولة إفريقيا؛ لأنها طويلة وأنت رقم واحد، واللى هييجى هيقعد وهيكون رقم 2 وأنت اللى هتلعب طول ما أنت كويس".
واستطرد نجم حراسة مرمى الأهلي: "هدفى كان أنى ألعب أساسى مع الأهلى والانضمام لمنتخب مصر، فأيا كان اللى الأهلى هيشتريه هيكون نفس الهدف، وأنا لم أشغل بالى باسم الحارس الذى سيتعاقد الأهلى معه سواء أبو جبل أو بسام أو أى حد".
وتابع: " كل الفضل يرجع لوالدى ووالدتى وتربيتى وكلامى الكويس ناتج عنهما، واسم شوبير كبير فهتاخد الكلام الحلو طول ما أنت كويس، وأول ما تعمل حاجة غلط هتتهاجم بشكل أكبر من العادى، فلها جانب إيجابى وسلبى؛ فلازم الواحد يكون مركز فى تدريبه ولعبه، وكلام والدى عنى دا شغله ومش أنا اللى هقوله يعمل إيه، وغلطة مباراة فيوتشر هو أكتر واحد انتقدنى واتكلم على اللقطة".
