محمد صلاح
وقال إبراهيم حسن، فى تصريحات، عبر برنامج "ملعب أون" المذاع على قناة أون تايم سبورتس: "أرسلنا لجميع المحترفين، وعلى رأسهم محمد صلاح وان شاء الله جميعهم معانا في المعسكر القادم، وعمر مرموش أكد لي أنه عايز يعمل عملية بالتنسيق مع النادي، وحددوا معادها بالفعل بعد نهاية الموسم".
أضاف: "حاولت معاه عشان مرموش لاعب مهم جدًا، لكن جه رد النادي إمبارح إنه هيعمل العملية، وبالتالي مش هيبقى موجود، وأنا وضحتله أننا محتاجينه، وإن شاء الله يبقى متواجد معانا الماتشين الجايين وبعد كدا يعمل العملية".
وكشف إبراهيم حسن عن حقيقة الأخبار المتداولة بوجود أزمة بين الجهاز الفني للمنتخب بقيادة حسام حسن المنتخب، وحسين الشحات نجم النادي الأهلي، ملقيًا الضوء على موقف محمد الشناوي من حراسة مرمى المنتخب خلال الفترة المقبلة بعد تعافيه من الإصابة، قائلًا: "أول مرة اسمع بالكلام ده، لا توجد أي مشاكل بين حسين الشحات، والجهاز الفني لمنتخب مصر على الإطلاق".
وفيما يتعلق بموقف محمد الشناوي، كشف مدير منتخب مصر: "الشناوي قيمة كبيرة، وحارس مرمى كبير، وأنا شايف إنه نمرة واحد في مصر، وله كل التقدير والاحترام، ولاعب مهم زي الشناوي كان مصاب وتماثل للشفاء لازم يبقى موجود".
