أحمد يونس
وقال يونس، إن المستمع كشف فى قصته، قائلا : "كنت متجوز ومخلفناش أنا ومراتى، وبعدين حد من أهلى اقترحوا على مراتى إنها تروح عند ست من الستات المشهراتية وهما اللى بياخدو الست اللى مبتحملش ويدخلوها المقابر".
كلام معلمين على الراديو 9090
أضاف : "واحدة من الستات المشهراتية اسمها صفية خدت مراتى وحماتى ومشيو بليل وراحوا المقابر وقبل الفجر رجعوا ولاحظت إن زوجتى كان وشها أصفر وخايفة جدا .. تانى يوم رحنا قعدنا فوق السطوح، وفجأة لقيت زوجتى بتقول لى إن السما فيها حاجة غريبة رغم إن السما كانت صافية جدا، وكل شوية كانت تبص للسما وتحلف لى إن فيها حاجة غريبة الحاجة دى صورة دخان على شكل واحدة ست".
وتابع: "بعد كده نزلنا علشان ننام، وبعد ما نمنا لقيت زوجتى قامت مفزوعة من النوم وجريت فجأ، وهى بملابس النوم فى الشارع مفزوعة، وبعد ما رحت وراها وهديت قالتلى إنها كانت حاسة إن فى حد فوق اللحاف وإن زى ما يكون حد فوق اللحاف تقيل جدا، فلما قامت من النوم وتمكنت من رفع اللحاف شافت سواد حسبته ملك الموت ولقيته شخص يخرج منه أصوات مخيفة".
واستطرد المستمع : "الموضوع انتهى إن مراتى حملت فعلا!!، بس اللى عملناه منتهى الغلط ومينفعش نسمع كلام الستات المشهراتية دول لإنهم أضروا حياتنا كلها ضرر بالغ، وكنا مش عارفين لا ننام ولا نصحى".
