محمود عبدالعزيز ونجله
نشر الفنان محمد محمود عبدالعزيز، عبر حسابه الشخصي على موقع التواصل الاجتماعي "فيسبوك"، صورة تجمعه مع والده من كواليس مسلسل رأس الغول.
وكتب محمد عبدالعزيز: "بكرة إن شاء الله 4 يونيو وده يوم بالنسبالي طول عمره مهم وهايفضل مهم، لأنه يوم عيد ميلاد أبويا اللي بالنسبالي ابني وأخويا وصاحبي وضهري وسندي، أولاً كل سنة وحضرتك طيب وبخير وفي أحسن حال، وزي عادتنا لازم أكون أول واحد يبوس إيدك وراسك وآخد الحضن التمام، ثانيا أنا إحساسي بالإشتياق بقى أكبر وأعمق بكتير من كلمة واحشني، لدرجة إني مابقتش لاقي كلمة توصف اللي جوايا لحضرتك، ثالثا اتمنى إن الهدايا بتاعتي تكون بتوصل وبتعجب حضرتك وتكون راضي عني".
وتابع: "ملحوظة، الصورة دي من كواليس تصوير البرومو الخاص بمسلسل رأس الغول، أسألكم الفاتحة والدعاء لأبويا ولكل من رحلوا عنا".
