بتيجى لبنات كتير.. ياسمين عبد العزيز تكشف لأول مرة عن تفاصيل محنتها الصحية

 وتستضيف الإعلامية منى الشاذلى فى لقاء حصرى، النجمة ياسمين عبد العزيز التى تظهر للمرة الأولى مع زوجها النجم أحمد العوضى فى حلقتى الأربعاء والخميس 8 و9 ديسمبر، على قناة cbc.

وقالت ياسمين: "أنا كنت داخلة أعمل عملية، ودكتور النساء والتوليد هو اللى ولدنى فى بنتى، وكان عندى chocolate cysts وهى أكياس مائية فى الرحم، وبتيجى لبنات كتير، والعملية دى عملتها 5 مرات، وأول مرة عملتها 5 مرات، وكل مرة أعمل العملية ومحدش يعرف، وانا مابحبش حد يعرف عنى حاجة، فرحت للدكتور وكنت لسه مخلصة مسلسل اللى ملوش كبير ومن ساعة المسلسل ده ماشفتش يوم حلو، وجالى 2 كورونا وبعدها الأزمة الكبيرة دى".

وأضافت: "دى حاجة بتاعت ربنا، وسألت والألم بتاع العمليات دى بقى صاحبىن وأنا عمرى ما بشتكى إلا لو عندى مشكلة كبيرة، والدكتور قالى هناخد يومين تلاتة، وحدش كان عارف، ودخلت عملت العملية، طلعت ألم رهيب وعمالة أصوت وباقول أنا بموت، ومن كتر ما كان بيدونى مسكنات ومهدئات مابقتش فاكرة حاجة، وأنا أساسا ست حمولة، وبعدها الدكاترة قالت لو ماعملتش تانية بسرعة هاتموت، وطلع أن القولون اتخرم، وجالى تسمم فى الدم".