كريم فهمى: فتحت عيادة أسنان فى فيصل.. والناس كانت بتجيلى عشان تهزر

قال الفنان كريم فهمى، إنه بعد تخرجه فى كلية طب الأسنان، عمل فى مجال تخصصه بأماكن كثيرة لا يخطر على بال أحد أن يذهب إليها.

وأضاف خلال حوار مع الفنان أمير كرارة فى برنامج "سهرانين" المذاع على قناة "ON": "فتحت عيادة فى حتة شعبية الأول جوة منطقة فيصل، لأنى كنت دكتور مش معروف وكمان مكانش معايا فلوس أفتح فى حتة كويسة".

وتابع كريم فهمى: "بعد كدة فتحت فى المهندسين، وبعدين قفلت خالص، ودة لأنى مش مركز على إنى أبقى دكتور أسنان شاطر، غير إنى مركز فى التأليف والتمثيل أكتر، وكمان لما اتعرفت كممثل، الناس كانت بتيجى العيادة عشان تهزر مش تتعالج".