فاتن حمامة
كشف الكينج محمد منير، كواليس وقوفه أمام سيدة الشاشة العربية فاتن حمامة فى فيلم "يوم مر ويوم حلو"، خلال لقائه مع النجمة إسعاد يونس فى برنامج "صاحبة السعادة"، والذى يذاع على قناة dmc الفضائية.
وقال منير : "دورى فى فيلم يوم مر يوم حلو أمام سيدة الشاشة هو فى الحقيقة كان دور النجم الراحل أحمد زكى، وفاتن حمامة كانت رافضة أمثل الدور ده، لأنه كان دور شرير، ومش هينفع ليا خالص، بحجة أن ملامحى طيبة، فإزاى أعمل دور شرير، وكانت معانا فى الفيلم سيمون، وعبلة كامل".
وأضاف الكينج : "عملت فيلم "الطوق والإسورة" مع حبيبتى شريهان ربنا يديها الصحة، وهى من أجمل فتيات مصر، وكل فريق عمل المصير كان رائعا، ويوسف شاهين كان طلب منى أتمرن أنا وخالد النبوى على ركوب الخيل، روحت أول يوم وتانى يوم وبعد كده بطلت أروح، لأن عندى فوبيا من الحصان بس رجعت روحت تانى فى الآخر عشان الدور".
